Qarın köpü nə vaxt təhlükəlidir? Yumurtalıq xərçəngi ilə əlaqəsi

Qarın köpü demək olar ki, hər kəsin vaxtaşırı yaşadığı şikayətdir və çox vaxt qidalanma, bağırsaq qıcıqlanması və ya menstrual dövrlə bağlıdır. Lakin bəzi hallarda davamlı köp yumurtalıq xərçənginin erkən əlamətlərindən biri ola bilər.

Adi köp necə olur?

• Müəyyən qidalardan sonra yaranır və bir neçə saata keçir

• Menstruasiyadan əvvəl artır və sonra azalır

• Qəbizlik və ya bağırsaq problemi ilə əlaqəlidir

• Gəlib-gedir, davamlı deyil

Nə vaxt diqqətli olmaq lazımdır?

• Köp yeni başlayıb və demək olar ki, hər gün davam edir – ayda 12 dəfədən çox

• Qarın ölçüsü böyüyür, paltarlar dar gəlir

• Az yeməkdən sonra tez doyursunuz

• Çanaqda və ya qarının aşağı hissəsində ağrı var

• Tez-tez sidiyə çıxma ehtiyacı yaranıb

• Yaşınız 50-dən yuxarıdır və ya ailənizdə yumurtalıq, döş xərçəngi olub

Hansı müayinələr aparılır?

Həkim ginekoloji müayinə, transvaginal ultrasəs və CA-125 analizi təyin edə bilər. Bu müayinələr çox vaxt sadə səbəbi aşkarlayır, ciddi xəstəlik olduqda isə onu erkən mərhələdə tutmağa imkan verir.

Yumurtalıq xərçəngi erkən dövrdə "səssiz" olduğu üçün bədəninizin siqnallarını dinləyin. Davamlı və yeni şikayətləri "adi köp" deyib keçməyin, onkoginekoloq ilə məsləhətləşin.

Ətraflı oxuyun: Yumurtalıq xərçəngi · CA-125 yüksəkdirsə

Qeyd: Bu məqalə yalnız məlumat xarakterlidir və həkim müayinəsini əvəz etmir. Diaqnoz və müalicə üçün mütəxəssisə müraciət edin.