Menstruasiyalar arası qanaxma: səbəbləri və nə vaxt narahat olmalı

Menstruasiyalar arasında baş verən qanaxma və ya ləkələnmə çox rast gəlinən şikayətdir. Səbəblərin çoxu zərərsizdir, lakin bəzi hallarda bu əlamət ciddi xəstəliyə işarə edə bilər. Ona görə təkrarlanan qanaxma mütləq müayinə olunmalıdır.

Ən çox rast gəlinən səbəblər

• Ovulyasiya zamanı yüngül ləkələnmə – dövrün ortasında, 1–2 gün

• Hormonal kontraseptivlərin ilk aylarında və ya həblərin buraxılmasından sonra

• Spiral istifadəsi

• Uşaqlıq boynu ektropionu ("eroziya")

• Endometrium və ya uşaqlıq boynu polipləri

• Uşaqlıq mioması

• İnfeksiyalar, məsələn xlamidiya

• Qalxanabənzər vəzin pozğunluqları

Ciddi səbəblər

Daha nadir hallarda menstruasiyalar arası qanaxma endometrial hiperplaziya, uşaqlıq boynunun şişönü dəyişiklikləri və ya xərçəngin əlaməti ola bilər. Xüsusən 40 yaşdan sonra və risk amilləri olduqda diqqətli olmaq lazımdır.

Nə vaxt həkimə müraciət etməli?

• Qanaxma bir neçə dövr ərzində təkrarlanırsa

• Cinsi əlaqədən sonra qanaxma olursa

• Qanaxma ağrı, hərarət və ya qeyri-adi axıntı ilə müşayiət olunursa

• Hamiləlik ehtimalı varsa

• Uzun müddətdir skrininqdən keçməmisinizsə

Hansı müayinələr aparılır?

Ginekoloji müayinə, PAP-smear və HPV testi, ultrasəs və lazım olduqda hormon analizləri, kolposkopiya və ya histeroskopiya.

Ətraflı oxuyun: Endometrium polipləri · Uşaqlıq boynu eroziyası

Qeyd: Bu məqalə yalnız məlumat xarakterlidir və həkim müayinəsini əvəz etmir. Diaqnoz və müalicə üçün mütəxəssisə müraciət edin.