Lynch sindromu: endometrium və bağırsaq xərçənginin irsi səbəbi

Lynch sindromu ən çox rast gəlinən irsi xərçəng sindromlarından biridir. DNT-dəki səhvləri düzəldən genlərdə mutasiya nəticəsində yaranır. Qadınlarda ən çox bağırsaq və endometrium xərçəngi riskini artırır.

Hansı xərçənglərin riski artır?

• Yoğun bağırsaq xərçəngi

• Endometrium (uşaqlıq) xərçəngi – bəzi qadınlarda ilk xərçəng məhz bu olur

• Yumurtalıq xərçəngi

• Mədə, sidik yolları və digər bəzi xərçənglər

Kimlər test olunmalıdır?

• Ailəsində bir neçə nəsildə bağırsaq və ya endometrium xərçəngi olanlar

• 50 yaşdan əvvəl bağırsaq və ya endometrium xərçəngi diaqnozu qoyulanlar

• Endometrium xərçəngi olan bütün qadınlar – şiş toxumasında xüsusi test aparılır

• Ailəsində Lynch sindromu təsdiqlənmiş şəxslər

Riski necə azaltmaq olar?

• Gənc yaşdan başlayaraq müntəzəm kolonoskopiya

• Qeyri-adi qanaxma barədə dərhal həkimə müraciət

• Doğum planı tamamlandıqdan sonra uşaqlığın, boruların və yumurtalıqların profilaktik çıxarılması barədə onkoginekoloq ilə müzakirə – bu əməliyyat adətən laparoskopiya ilə aparılır

• Genetik məsləhət və ailə üzvlərinin test olunması

Lynch sindromu daşımaq xərçəng olacağı demək deyil. Lakin düzgün nəzarət planı xərçəngin qarşısını almağa və ya onu çox erkən mərhələdə aşkarlamağa imkan verir.

Ətraflı oxuyun: BRCA mutasiyası · Endometrium xərçəngi

Qeyd: Bu məqalə yalnız məlumat xarakterlidir və həkim müayinəsini əvəz etmir. Diaqnoz və müalicə üçün mütəxəssisə müraciət edin.