Hamiləlikdən əvvəl hansı müayinələrdən keçmək lazımdır?

Sağlam hamiləliyin əsası hamiləlikdən əvvəl qoyulur. Planlaşdırılmış müayinə mümkün problemləri vaxtında aşkarlamağa və hamiləliyə ən yaxşı vəziyyətdə başlamağa imkan verir.

Ginekoloji müayinə

• Ümumi ginekoloji müayinə və ultrasəs

• PAP-smear və HPV testi – vaxtı çatıbsa, hamiləlikdən əvvəl etmək daha rahatdır

• Mioma, kista və ya polip kimi vəziyyətlərin qiymətləndirilməsi

• Cinsi yolla keçən infeksiyalar üçün testlər

Analizlər

• Qan qrupu və rezus faktor

• Ümumi qan analizi – qansızlığın yoxlanılması

• Qalxanabənzər vəzi hormonları və qan şəkəri – lazım olduqda

• Məxmərək immunitetinin və bəzi infeksiyaların yoxlanılması

Fol turşusu

Hamiləlik planlaşdıran qadınlara döldə sinir borusu qüsurlarının qarşısını almaq üçün hamiləlikdən ən azı bir ay əvvəl fol turşusu qəbuluna başlamaq tövsiyə olunur. Dozanı həkiminizlə dəqiqləşdirin.

Digər addımlar

• Qəbul etdiyiniz dərmanları həkimlə yoxlamaq

• Xroniki xəstəliklərə nəzarət

• Siqaretdən və spirtli içkilərdən imtina

• Lazım olan peyvəndlər – hamiləlikdən əvvəl

• Diş müayinəsi

Ətraflı oxuyun: HPV testi necə götürülür · Uşaqlıq borularının yoxlanılması

Qeyd: Bu məqalə yalnız məlumat xarakterlidir və həkim müayinəsini əvəz etmir. Diaqnoz və müalicə üçün mütəxəssisə müraciət edin.